Рашт: Олимпиадаи минтақавии хонандагон ҷамъбаст гардид

Январь 16, 2016 08:18

Душанбе, 16.01.2016. (АМИТ “Ховар”). — Дар даҳаи аввали моҳи январи соли равон дар муассисаи таҳсилоти миёнаи умумии рақами 1-и ноҳияи Рашт олимпиадаи минтақавии хонандагони синфҳои 9-10-и муассисаҳои таҳсилоти миёнаи умумии ноҳияҳои Тавилдара, Ҷиргатол, Тоҷикобод, Рашт, Нуробод ва ҷамоати деҳоти Сағирдашти ноҳияи Дарвоз баргузор гардид.
Аз ҷониби мутахассисони Маркази ҷумҳуриявии дарёфт ва рушди истеъдодҳои Вазорати маориф ва илми Ҷумҳурии Тоҷикистон барои шаффоф гузаронидани олимпиада масъалаҳои хаттию тестии сабқат таҳия гардида, барои омӯзгорони санҷишгар ва иштирокдорони ин мусобиқаи зеҳнӣ тамоман нав буданд.
Дар олимпиадаи мазкур 290 хонанда ва 36 нафари дигар берун аз рӯйхати дархостии идораҳои маорифи ноҳияҳои минтақа иштирок намуданд. Аз 36 нафар 5 хонанда комёб шуданд. Олимпиада бо чунин натиҷаҳо ҷамъбаст гардид: Рашт: 13 медали тилло,12 нуқра ва 15 биринҷӣ, ҷамъ 40 медал. Нуробод: 3 медали тилло, 4 нуқра ва 5 биринҷӣ, ҷамъ 12 медал. Ҷиргатол: 3 медали нуқра, 7 биринҷӣ, ҷамъ 10 медал. Ҷамоати деҳоти Сағирдашт: 5 медали тилло,3 нуқра ва 1 биринҷӣ, ҷамъ 9 медал. Тавилдара: 2 медали тилло, 4 нуқра, 2 биринҷӣ, ҷамъ 8 медал. Тоҷикобод: 1 медали тилло, 2 нуқра ва 1 биринҷӣ, ҷамъ 4 медал.
Олимпиадаи фаннии хонандагони муассисаҳои таълимии навоҳии минтақаи Рашт ва ҷамоати Сағирдашти ноҳияи Дарвоз бо вуҷуди муваффақиятҳо нишон дод, ки ба ин сабқат на ҳамаи хонандагон бо тайёрии комил ҳозир шудаанд. Савияи дониши хонандагон ҳам гуногун буда, аз 14 хонандаи синфи 9, ки дар олимпиада аз фанни забони англисӣ иштирок карданд, танҳо як нафар ҷойи дуюмро ишғол намуд.

Январь 16, 2016 08:18

Хабарҳои дигари ин бахш

Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид