С.Наҷмуддинов: Қисми даромади буҷети суғуртаи иҷтимоӣ 89,3 фоиз иҷро гардид

Душанбе, 18.01.2016. (АМИТ «Ховар»).- Имрӯз дар Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон нишасти хабарӣ доир гардид. Дар нишаст директори агентӣ Сафаралӣ Наҷмуддинов оид ба ҷамъбасти соли 2015 иттилоот дода, иброз дошт, ки қисми даромади буҷети суғуртаи иҷтимоӣ дар соли 2015 бо назардошти хароҷоти корхонаю муассисаҳо 2 млрд. 67,4 млн. сомонӣ таъмин гардид, ки 89,3 фоиз нақшаи пешбинишударо ташкил намуд.
Сафаралӣ Наҷмуддинов гуфт, ки дар ин давра аз ҷониби Вазорати молияи Ҷумҳурии Тоҷикистон аз ҳисоби буҷети ҷумҳуриявӣ барои пӯшонидани касри буҷети суғуртаи иҷтимоӣ ва нафақа 65 млн. сомонӣ ба суратҳисоби агентӣ ворид гардид.