Сафи тамошобинони осорхонаи Кӯлоб меафзояд

Кӯлоб, 09.01.2016. (АМИТ «Ховар»). -Дар арафаи ҷашни 2700- солагии шаҳри Кӯлоб дар маркази шаҳр бо дастгирӣ ва маблағгузории Ҳукумати Ҷумҳурии Тоҷикистон ва Вазорати фарҳанги Ҷумҳурии Тоҷикистон осорхонаи Кӯлоб ё муҷтамаи ҷумҳуриявии осорхонаҳои Кӯлоб ба фаъолият шуруъ намуд. Тавре ки директори Муҷтамаи ҷумҳуриявии осорхонаи Кӯлоб Ҳотам Асозода итилоъ дод, зиёда аз 5 ҳазор нигора аз шаҳру ноҳияҳо дарёфт гардида, дар осорхона ҷамъоварӣ шудаанд. Сол ба сол шумораи шаҳрвандоне, ки аз осорхона дидан мекунанд, меафзояд. Сайёҳони хориҷӣ ва меҳмонони шаҳр низ пайваста ба осорхона меоянд, то аз таърихи бою рангини мардуми ин минтақа огаҳӣ ёбанд. Маъмурияти Мучтамаи ҷумҳуриявии осорхонаҳои Кӯлоб дари осорхонаи Кӯлобро ҳамарӯза ба рӯи шаҳрвандон боз менамоянд ва кӯшиш бар он доранд, ки нигораҳои нав ворид намуда, гӯшаҳои осорхонаро бою рангин гардонанд.