Содироти маҳсулоти коргоҳҳои Хуҷанд ба беш аз 14 давлат

Хуҷанд, 16.01.2015. (АМИТ “Ховар”).- Дирӯз дар мақомоти маҳаллии шаҳри Хуҷанд нишасти хабарии раиси шаҳр Раҷаббой Аҳмадзода оид ба натиҷаҳои соҳаҳои хоҷагии халқи маркази вилоят дар соли 2015 бо намояндагони ВАО доир гашт.
Тавре ки шаҳрдори Хуҷанд иброз дошт, дар соли 2015 иҷрои нақшаи буҷети давлатӣ 106,2 фоиз ва буҷети маҳаллӣ 106 фоиз таъмин гардида, нақшаҳои пешбинишуда мутаносибан дар ҳаҷми 16,2 миллион сомонӣ ва 6 миллион сомонӣ зиёд иҷро гаштанд.
Ҳамчунин 11 намуди андозҳои буҷети давлатии шаҳр низ пурраю барзиёд таъмин гардиданд.
Инчунин дар давоми соли 2015 дар Хуҷанд 48 корхонаи нави хурду миёнаи истеҳсолӣ таъсис дода шуда, дар умум шумораи корхонаҳои саноатӣ ба 167 адад расида, бо ташкили коргоҳҳои нав 729 шаҳрванд бо ҷойи кори доимӣ таъмин гардиданд.
Дар ин замина маҳсулоти саноатии коргоҳҳои шаҳр ба 14 давлати муштаракулманофеъ содирот мешавад.