Сомалӣ ба бойкоти Эрон ҳамроҳ шуд

Душанбе, 08.01.2016 (АМИТ «Ховар»). Ҳукумати Сомалӣ муносибатҳои дипломатиашро бо Эрон дар заминаи низоъ миёни Теҳрон ва Эр-риёз қатъ намуд. ВКХ Сомалӣ сафири худро аз Эрон бозхонда ва ба дипломатҳои эронӣ дастур дод, ки дар давоми 72 соат кишварро тарк намоянд, хабар медиҳад «Associated Press».
3 январ эътирозгарони эронӣ ба сафоратхонаи Арабистони Саудӣ дар Теҳрон ҳамла карданд, ки баъд аз он вазири корҳои хориҷии Арабистони Саудӣ Одил-Ал-Ҷубайр изҳор дошт, ки шоҳигарӣ муносибатҳои дипломатиашро бо Эрон қатъ мекунад. Дар пайи Арабистони Саудӣ ҳамчунин Баҳрайн, Судан ва Ҷибути робитаҳои дипломатии худро қатъ карданд. Дар навбати худ, Амороти Муттаҳидаи Араб сатҳи намояндагии дипломатиро паст намуда, Кувайт ва Қатар сафиронашонро бозхонданд.