Суди ноҳияи И.Сомонӣ: Таъйини ҷазо барои иштирок дар сабқати нақлиётӣ

Душанбе, 22.01.2016. (АМИТ «Ховар») -Суди ноҳияи И.Сомонии шаҳри Душанбе парвандаи ҳуқуқвайронкунии маъмуриро нисбат ба Восидов Фаррух Саъдулоевич бо моддаи 328 қисми 1 Кодекси ҳуқуқвайронкунии маъмурии Ҷумҳурии Тоҷикистон мавриди баррасӣ қарор дода, маълум намуд, ки ӯ дар таърихи 11.10.2015 сол соати 16:00 бо мошини тамғаи «Крайслер-300», рақами қайди давлатиаш 03-59 ДД 01 дар кӯчаи Рӯдакии шаҳри Душанбе дар ҳаракати муштараки гурўҳӣ иштирок кардааст. Номбурда бо ин амалаш ба ҳаракати дигар воситаҳои нақлиёт монеа ва халал расонидааст, ки ин рафтораш бар хилофи талаботи моддаи 328 қисми 1 КҲМ Ҷумҳурии Тоҷикистон аст. Аз тарафи корманди ХР БВМ ВКД Ҷумҳурии Тоҷикистон, сержанти калон Алишери Б. Нисбат ба Восидов Фаррух Саъдулоевич санади ҳуқуқвайрокунии маъмурӣ тартиб дода шудааст ва бо ҳукми суд Восидов Фаррух Саъдулоевич бо моддаи 328 қисми 1 Кодекси ҳуқуқвайронкунии маъмурии Ҷумҳурии Тоҷикистон гунаҳгор дониста шуда, ба ў бо ин модда ҷазо дар намуди ҷаримаи маъмурӣ ба андозаи 3 (се) нишондиҳанда барои ҳисобҳо, яъне баробар ба 120 (яксаду бист) сомонӣ ба фоидаи давлат таъйин карда шуд.