Вохӯрии намояндагони мақомоти корҳои дохилии Тоҷикистону Ҷопон
Душанбе, 11.01.2016. (АМИТ «Ховар»). — Имрӯз намояндагони Вазорати корҳои дохилии Ҷумҳурии Тоҷикистон бо намояндагони Департаменти корҳои дохилии Ҷумҳурии Ҷопон вохӯрӣ доир намуданд.
Намояндагони Ҷопон Ёшиюки Ватанбе ва Сатоши Итабаширо сардори Раёсати мубориза бар зидди ҷиноятҳои муташаккили ВКД полковники милитсия Азизуллозода Сафиало Азизулло самимона пазируфта, ба Ҷумҳурии Тоҷикистон хайрамақдам гуфт.
Дар вохӯрӣ ҷонибҳо масъалаҳои мубориза бар зидди ҷиноятҳои муташаккили фаромиллӣ, терроризму экстремизм ва дигар таҳдиду хатарҳои ҷаҳони муосир, инчунин мубодилаи таҷриба ва иттилоотро мавриди баррасӣ қарор доданд.
Зикр гардид, ки баробари рушду тараққиёти ҷомеа, сатҳи ҷинояту ҷинояткорӣ низ шакли худро дигар мекунад, тавассути технологияи муосир ва интернет ҳудуди таъсири он низ васеъ мегардад. Аз ин рӯ, тамоми кишварҳои дунё бо ин падидаҳои номатлуб танҳо дар якҷоягӣ ва дастгирии якдигар метавонанд муборизаи беамон баранд.
Ҷонибҳо изҳори умедворӣ карданд, ки минбаъд низ ҳамкорӣ миёни мақомоти корҳои дохилии ду кишвар тақвият хоҳанд ёфт.
Вохӯрӣ дар фазои дӯстона ва якдигарфаҳмӣ хотима ёфт.
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
