Конфронси илмӣ- оммавӣ: «Омилҳои тамоюли ҷавонон ба ҳизбу ҳаракатҳои экстремистию террористӣ » дар КМТ

Душанбе, 02.02.2016 (АМИТ «Ховар»).- 3-юми феврали соли равон дар ошёнаи 3-юми Китобхонаи миллии Тоҷикистон конфронси илмӣ- оммавӣ таҳти унвони «Омилҳои тамоюли ҷавонон ба ҳизбу ҳаракатҳои экстремистию террористӣ» (дар ҳошияи Паёми солонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон) баргузор мегардад.
Дар назар аст, ки дар конфронс Сайфиддин Назарзода, директори Муассисаи давлатии Китобхонаи миллии Тоҷикистон сухан ронда, директори Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмои ҶТАбдураҳмон Маҳмадов дар мавзӯи «Омилҳои бегонапарастӣ- таҳдид ба манфиатҳои миллӣ», Наҷмиддин Салимов, сармутахассиси Раёсати таҳлил ва ташхиси диншиносии Кумитаи оид ба корҳои дин, танзими анъана ва ҷашну маросими миллии назди Ҳукумати ҶТ дар масъалаи «Бемазҳабӣ — замина ба сӯи ифротгароӣ» маърӯза намоянд.