Теъдоди марказҳои хизматрасонии бонкии ташкилоти қарзӣ зиёд шуд

Душанбе, 19.02.2016 (АМИТ «Ховар»).-Тибқи иттилои Бонки миллии Тоҷикистон шаҳрвандон метавонанд, ки барои анҷом додани мубодилаи асъор ба хазинаҳои 121 ташкилоти қарзӣ, 434 филиали онҳо, 1265 маркази хизматрасонии бонкӣ ва 1464 нуқтаи интиқоли маблағ муроҷиат намоянд.
Аз ҷумла, дар бозорҳои «Шоҳмансур», «Султони Кабир», «Фаровон», бозорҳои фурӯши яклухти маҳсулоти хӯрокворӣ, фурӯшгоҳи марказии «СУМ», маркази савдои «Садбарг» барои анҷом додани амалиёти мубодилавӣ 10 маркази нави хизматрасонии бонкии БДА ҶТ «Амонатбонк», ҶСК «Ориёнбонк», ҶСК «Агроинвестбонк», ҶСК «Эсхата» ва ҶСП ТАҚХ «Ҳумо» ташкил шудаанд ва ҳамарӯза ба мардум хизмат мерасонанд.
Раванди таъсиси марказҳои нави хизматрасонии бонкӣ идома дошта, танҳо дар якуним моҳи соли равон шумораи филиалҳо ва марказҳои хизматрасонии бонкии ташкилоти қарзӣ 28 адад зиёд шудааст.