Ҷаласа оид ба ҷанбаҳои гендерӣ дар Ҷайҳун
Душанбе, 30.03.2016. (АМИТ «Ховар»).-Дирӯз аъзои зергурӯҳи корӣ оид ба ҷорӣ намудани ҷанбаҳои гендерӣ дар барномаи ислоҳоти мақомоти милитсия дар ноҳияи Ҷайҳуни вилояти Хатлон ҷаласаи навбатии худро доир намуданд.
Чорабинии мазкур бо ташаббуси роҳбарияти Вазорати корҳои дохилӣ ва дастгирии Бюрои Созмони амният ва ҳамкории Аврупо дар Тоҷикистон мутобиқи барномаи «Бунёди механизмҳои таъсирбахши ҳамкорӣ дар сатҳи маҳал миёни мақомоти милитсия ва ҷомеаи шаҳрвандӣ дар самти кумак ба ҳимояи зарардидагон аз зӯроварӣ дар оила» баргузор гардид.
Ҳамоҳангсози миллӣ оид ба ислоҳоти милитсия, полковники милитсия Бобоназарзода Алӣ Бобоназар дар мавзӯи «Саҳм ва нақши ҳуҷраҳои корӣ оид ба пешгирии зӯроварӣ дар оила дар самти ҷорӣ намудани ҷанбаҳои гендерӣ дар фаъолияти мақомоти милитсия» ибрози назар кард. «Масъалаҳои гендерӣ аз самтҳои афзалиятноки барномаи ислоҳоти милитсия ба ҳисоб рафта, дар раванди ҳамкории милитсия бо ҷомеаи шаҳрвандӣ мавқеи махсусро ишғол менамояд»,-афзуд Бобоназарзода Алӣ.
Зимни ҳамоиш мушовир оид ба масъалаҳои баробарии гендерӣ ва муқовимат бар зидди савдои одамони САҲА Виорелия Русу вобаста ба натиҷаи фаъолият дар самти Модули таълими нозирони милитсия дар пешгирии зӯроварӣ дар оила бо иштироки мутахассисони маҳаллӣ ва байналмилалӣ мухтасар маълумот дод.
Бо дастгирии Созмони амният ва Ҳамкории Аврупо дар мақомоти корҳои дохилии Ҷумҳурии Тоҷикистон ҳуҷраҳои кории нозирон оид ба масъалаҳои гендерӣ кушода шудаанд, ки дар ин вазифаҳо кормандзанон бевосита бо занони аз зӯроварии оила хушунатдида кор бурда, дар ин самт аллакай ба натиҷаҳои дилхоҳ расидаанд. Бовару эътимоди мардум, хусусан зарардидагони хушунати оилавӣ ба мақомоти милитсия бештар мегардад ва дар самти ҳалли мушкилоти мардум тадбирҳои зарурӣ андешида мешаванд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
