Барномаҳои фарҳангии ҳунармандони тоҷик дар Кувайт идома доранд
![](https://khovar.tj/wp-content/uploads/2016/03/IMG_3611.jpg)
Душанбе, 26.03.2016. (АМИТ «Ховар»). -Зимни баргузории барномаҳои фарҳангии ҳунармандони тоҷик дар Кувайт шаби гузашта дар Маркази тиҷоратию тафреҳӣ ва фарҳангии Эвеню, воқеъ дар Давлати Кувайт ҳунармандони тоҷик барномаи консертии худро ба тамошобинони ин марказ пешкаш намуданд. Дар барнома, ки муовини дабири кулли Шӯрои илм ва фарҳанги Давлати Кувайт Бадр Двейш ҳузур дошт, аз сатҳу сифат ва муҳтавои барномаи консертии хунармандони тоҷик ибрози қаноатмандӣ карда шуд. Дар ин барнома, ки меҳмонони давлати Кувайт ва сайёҳону намояндаҳои қавму миллатҳои гуногун ҷамъ омада буданд, онҳо ҳунармандони тоҷикро иҳота карда, бо ибрози хурсандӣ ва шавқи тамом аз тамошои он лаззат мебурданд. Аксари ҷавонон ва духтарону писарон кӯшиш мекарданд, ки бо мутрибону ҳунармандони тоҷик якҷоя сурат гиранд.
Ин иқдоми ҷониби Тоҷикистон нисбат ба гузаронидани чунин як барнома барои бештар муаррифӣ кардани фарҳанги Тоҷикистон ва ҷаҳонӣ шудани Наврӯз мусоидат хоҳад кард.