Дарёфти маводи нашъадор

Душанбе, 12.03.2016. (АМИТ “Ховар”).-10 март ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокинони 27 ва 28- солаи шаҳри Душанбе бо гумони даст доштан дар муомилоти ғайриқонунии маводи мухаддир дастгир шуданд. Дар вақти кофтукови шахсӣ аз дохили борхалтаашон маводи нашъадори навъи ҳашиш, вазнаш 932 грамм дарёфт ва мусодира шуд.

11 марти соли равон  ҳамчунин аз ҷониби кормандони милитсия сокини 29- солаи ноҳияи Мастчоҳ ҳамчун гумонбар дар муомилоти ғайриқонунӣ бо маводи нашъаовар дастгир шуд. Дар вақти кофтукови шахсӣ аз номбурда маводи нашъадори навъи ҳашиш, вазни умумиаш 753 грамм дарёфт ва мусодира шуд.

Дар маҷмӯъ вазни дарёфтшудаи маводи нашъадор 1 килою 686 граммро ташкил медиҳад.

Нисбат ба далелҳои мазкур парвандаи ҷиноятӣ оғоз гардида, тафтиш идома дорад.