Дастгир гардидани гурӯҳи ҷинояткорони мошиндузд
Душанбе, 16.03.2016. (АМИТ «Ховар»).-Чанд муддат аз ҷониби шаҳрвандон ба мақомоти корҳои дохилӣ оид ба рабудани воситаҳои нақлиёт муроҷиатҳо ворид гардида, пас аз гузаронидани чорабиниҳои фаврӣ-ҷустуҷӯӣ кормандони милитсия муайян намуданд, ки дар паси ин силсиламошиндуздиҳо гурӯҳи ҷинояткорон иборат аз 5 нафари асосӣ меистанд. Ин гурӯҳ дар соли 2015 ва моҳҳои январ — марти соли 2016 мошинҳои якчанд сокини шаҳри Душанбе ва атрофи онро рабуда, бо ҳамин роҳ ба худ роҳи пулкоркунӣ ёфтаанд. Аммо ин шикори онҳо дер давом накард.
14 марти соли равон кормандони фаврии мақомоти корҳои дохилӣ бо гумони рабудани воситаҳои нақлиётӣ ду бародари 25-сола ва як сокини 24-солаи шаҳри Душанбе, инчунин ду сокини 25 ва 27-солаи ноҳияи Рӯдакиро дастгир намуданд.
Чорабиниҳои фаврӣ-тафтишотӣ муайян намуданд, ки гумонбаршудагон дар рабуда шудани мошини сокини 35-солаи ш. Душанбе, тамғаи “ВАЗ-21014”, ки шаби 9 ба 10-уми марти соли равон дар назди бинои истиқоматиаш беназорат меистод, даст доранд.
Ҳамин тариқ, ин гурӯҳи ҷиноятпеша 1 январи соли 2016 мошини шахсии тамғаи “Опел-Астра”-и сокини 28-солаи кӯчаи Фирдавсии ш.Душанбе, шаби 22 ба 23 феврали соли 2015 мошини тамғаи “Чанху”-и сокини 23-солаи ноҳияи Ҳисор, шаби 20 феврали соли 2015 мошини тамғаи “Опел-Астра”-и сокини ноҳияи Ҳисорро рабудаанд. Зарари ба ҷабрдидагон расонида беш аз 70000 сомониро ташкил медиҳад.
Ҳоло оид ба ин ҳодисаҳо тафтиш идома дошта, даст доштани гурӯҳи мазкур ба дигар ҷиноятҳо ва иштирокдорони дигари он муайян карда мешаванд.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
