Хуҷанд: ташкили 100 деги суманаки наврӯзӣ дар маҳаллаҳои шаҳр

Хучанд, 18.03.2016. (АМИТ “Ховар”).- Дар маркази Суғд омодагиҳо ба таҷлили Наврӯзи ҷаҳонӣ идома доранд. Кӯчаву хиёбонҳо бо навиштаҷоти наврӯзӣ оро дода шуда, ҳамчунин лолаҳо шукуфта, ба шаҳр ҳусни тоза мебахшанд.
Тавре ки ба АМИТ “Ховар” аз шуъбаи ташкилии мақомоти маҳаллии шаҳрӣ иттилоъ доданд, тибқи чорабиниҳои наврӯзии мақомоти давлатии шаҳри Хуҷанд омодагиҳо барои таҷлили Иди Наврӯз дар маҳаллаҳои шаҳр ҷараён доранд. То имрӯз аз шумораи умумии маҳаллаҳо дар чор маҳалла чорабиниҳои наврӯзӣ доир гардидаанд.
Ҳамчунин вобаста ба дастури шаҳрдори Хуҷанд Раҷаббой Аҳмадзода дар рӯзҳои таҷлили иди аҷдодӣ ғайр аз ташкили шеъру сурудхонӣ дар васфи Наврӯзи аҷам, намоиши корҳои дастии чеварону дӯзандагон ва бозиҳои миллӣ, инчунин дар 22 маҳаллаи шаҳр 100 деги суманак гузошта мешавад.