ИМА: Дарёфти киштии ҳарбие, ки 95 сол қабл ғайб зада буд

Душанбе, 25.03.2016 (АМИТ «Ховар»).- Киштии ҳарбии «Conestoga»-ро, ки соли 1921 бе нишон ғайб зада буд, дар соҳили Калифорния пайдо кардаанд. Дар ин бора мутахассисони идораи тадқиқоти уқёнусӣ ва атмосфераи ИМА ба CNN хабар додаанд.
Дар аввал пораҳои Conestoga сентябри соли 2009 20 мил (32 километр) дуртар аз шаҳри Сан-Франсиско дарёфт гардида буд.
Conestoga 25 марти соли 1921 дар ҳоле ғайб зад, ки аз Сан-Франсиско ба самти Гавая ҳаракат мекард. Дар дохили киштии ҳарбӣ 65 нафар қарор дошт. Баъди ғайб задани киштии мазкур корҳои кофтуковӣ 30 июни ҳамон сол расман қатъ гардиданд.