КҲФ ва МГ: Аз сафар тавассути мавзеъҳои осебпазир ва минтақаҳои хавфнок худдорӣ намоед!

Душанбе, 30.03.2016. (АМИТ «Ховар»). Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба иттилои шаҳрвандон мерасонад, ки аз 31 март то 2 апрели соли 2016 вазъи ҳаво дар миқёси ҷумҳурӣ ноустувор гардида, боришоти борон, раъду барқ, боридани жола, омадани сел дар доманакўҳҳо, фаромадани тарма, сангрезӣ ва ярч дар назар аст.
Бинобар ин аз шаҳрвандони ҷумҳурӣ ва меҳмонон хоҳиш мешавад, ки дар ин давра аз рўи имконият аз сафар кардан тавассути мавзеъҳои осебпазир ва минтақаҳои хавфнок худдорӣ намоянд.