Машқи тактикӣ-оташнишонӣ дар ШВКД ноҳияи Фирдавсӣ

Душанбе, 16.03.2016. (АМИТ «Ховар»). -Тибқи нақшаи Сарраёсати Хадамоти давлатии оташнишонии Вазорати корҳои дохилӣ 16-уми марти соли равон, соати 09:50 дар ШВКД ноҳияи Фирдавсии шаҳри Душанбе машқи тактикӣ-оташнишонӣ бо ҷалби чор нақлиёти оташнишонӣ, ёрии таъҷилии тиббӣ, шабакаҳои барқӣ ва кормандони милитсия бо истифода аз шашкаҳои дудкунанда гузаронида шуд.
Мувофиқи нақша гӯё дар яке аз утоқҳои кории ошёнаи сеюми бинои ШВКД сӯхтор сар зада, дуди ғализи он бо шиддат ба дигар утоқҳои корӣ паҳн мегашт.
Оташнишонон дар якҷоягӣ бо кормандони милитсия ва дигар ниҳодҳои дахлдор сӯхтори шартиро дар масоҳати ҳашт метри мураббаъ бе паҳншавӣ дар соати 10:32 пурра хомӯш намуданд.
Дар интиҳои чорабинӣ аз тарафи роҳбарияти СХДО ба иштирокдорони фаъол минатдорӣ баён шуд.