Омодагиҳо ба барномаи наврӯзӣ дар Кувайт

Кувайт, 24.03.2016 (АМИТ «Ховар»).- Ҳунармандони санъати Ҷумҳурии Тоҷикистон  барои баргузор намудани барномаи консертӣ ва намоиши рассомони тоҷик бахшида ба таҷлили Наврӯзи байналмилалӣ дар Давлати Кувайт тамоми маҳорату малакаи худро барои муаррифӣ кардани фарҳанги наврӯзӣ ва ҷалби таваҷҷуҳи мардуми арабзабон аз он ҷумла мардуми Давлати Кувайт равона менамоянд.
Дар ин асно шаби гузашта ҳунармандони тоҷик барои шинос шудан бо фазои таҷлили ин ҷашни фархунда дар театри ба номи Абдулҳусайн Абдурризо, Давлати Кувайт дидан намуда, барои баргузор намудани ин намоиш омодагӣ гирифтанд.

 

Зикр кардан ба маврид аст, ки ҳайати фарҳангии Тоҷикистон дар ин сафар аз гурӯҳи рақсии ансамбли давлатии хизматнишондодаи “Лола” ба номи Ғаффор Валаматзода таҳти сарварии Фароғат Саидова, мутрибони ансамбли Филармонияи двлатии ба номи Акашариф Ҷӯраев таҳти сарварии ҳунарпешаи халқии Тоҷикистон Афзалшо Шодиев, овозхони ансамбли давлатии “Фалак”и Кумитаи телевизион ва радиои назди Ҳукумати Ҷумҳурии Тоҷикистон Ситораи Кароматулло ва ва пианинанавоз, хонандаи синфи чоруми мактаби мусиқӣ Ҷаннат Ҳусайнзода иборат аст.