Ташаккули ҳамкорӣ дар мубориза бар зидди муомилоти ғайриқонунии воситаҳои нашъадор

Душанбе, 31.03.2016. (АМИТ «Ховар»).  Дирӯз дар Агентии назорати маводи нашъаовар ҷаласаи навбатии гурӯҳи кории коршиносон оид ба фаъолияти ҳифзи ҳуқуқ ва пешгирии ҷиноятҳои вобаста ба маводи нашъаовари ҷаласаи роҳбарони мақомоти салоҳиятдори кишварҳои узви Созмони Ҳамкории Шанхай, ки дорои салоҳияти бурдани мубориза бар зидди муомилоти ғайриқонунии маводи нашъаовар мебошанд, оғоз гардид.
Дар ҷаласа намояндагони ҷумҳуриҳои Тоҷикистон, Қазоқистон, Қирғизистон, Узбекистон, Чин, Русия, инчунин Котиботи Созмони Ҳамкории Шанхай иштирок карда, ворид намудани тағйирот ба ҳайати гурӯҳи корӣ, ташаккули ҳамкорӣ дар соҳаи мубориза бар зидди муомилоти ғайриқонунии воситаҳои нашъадор, моддаҳои психотропӣ ва прекурсорҳоро муҳокима намуданд. Инчунин нисбат ба лоиҳаи Консепсияи созмон додани Маркази зиддимухаддиротии СҲШ, лоиҳаи Стратегияи зиддимухаддиротии кишварҳои СҲШ барои солҳои 2017-2022 ибрози ақида намуданд.