«Челсӣ» сармураббии навашро интихоб кард

Душанбе, 6.04.2016 /АМИТ «Ховар»/. Клуби футболи «Челсӣ»-и Англия ба муҳлати 3 сол шартномашро бо сармураббии итолиёвӣ Антонио Конте ба имзо расонд.
Тибқи ин созишнома Конте дар як мавсим аз «Челсӣ» 5 000 000 фунт стерлинг маош мегирад.
Рӯзномаи «The Guardian» хабар медиҳад, ки ин мутахассиси 46-сола баъди бозиҳои «Евро-2016» дар клуби футболи «Челсӣ» ба фаъолият шурӯъ хоҳад кард. Алҳол Конте дастаи мунтахаби Италияро машқу тамрин медиҳад ва онро дар бозиҳои «Евро-2016» ҳамроҳӣ мекунад.