Конибодом: Роҳандозии 5 ярмаркаи ҷойи корӣ дар се моҳ

Конибодом, 26.04.2016. /АМИТ “Ховар”/. Бо ташаббуси шуъбаи Агентии меҳнат ва шуғли аҳолӣ дар шаҳри Конибодом  дар ҳудуди ҷамоати деҳоти Пӯлодон ярмаркаи шаҳрии ҷойҳои корӣ ва вазифаҳои озод баргузор гардид, ки дар он аз 12 ташкилоту муассисаҳо  шуъбаҳои корӣ иштирок намудаанд.
Дар ярмарка 6 нафар шаҳрвандони бекор бо ҷойи кор таъмин гардида, 20 нафар ба курсҳои кӯтоҳмуддат ҷалб карда шуданд.
Тавре  масъулин аз шуъбаи Агентии мазкур ба АМИТ “Ховар” иттилоъ доданд, дар умум дар семоҳаи аввали соли равон дар маркази шаҳр ва ҳудуди ҷамоатҳои деҳоти шаҳри Конибодом 5 маротиба ярмаркаи ҷойҳои корӣ баргузор карда шудаанд, ки дар онҳо 26 нафар шаҳрвандон бо ҷойи кори доимӣ, 20 нафар ба корҳои ҷамъиятӣ ва 40 нафар ба касбомӯзӣ ҷалб карда шуданд.
Масъулин нақша доранд, ки то анҷоми сол боз 8 маротиба ярмаркаи ҷойҳои корӣ баргузор намоянд.