Кумакпулӣ ба иштирокдорони Ҷанги дуюми ҷаҳон

Душанбе, 26.04.2016/АМИТ «Ховар»/. Мақомоти иҷроияи ҳокимияти давлатии шаҳри Душанбе тасмим гирифтааст, ки ба ифтихори ҷашни 71-умин солгарди Ғалаба дар Ҷанги дуюми ҷаҳон ба  иштирокдорон ва маъюбони ин ҷанг 2000 сомонӣ кумакпулии яквақтаина расонад. Аз ин маблағ 1500 сомонӣ аз буҷети шаҳр, 500 сомонӣ аз ҳисоби мақомоти иҷроияи ҳокимияти давлатӣ дар ноҳияҳои шаҳри Душанбе ҷудо карда мешавад.
Инчунин ба ифтихори ин санаи фархунда, ки дар саҳифаи таърих бо номи «Иди Ғалаба» сабт гардидааст, чун анъанаи солҳои қаблӣ дар боғҳои  фарҳангу фароғатии пойтахт барномаҳои идонаи консертӣ ва сайругашти оммавӣ ташкил карда мешавад.
Бояд тазаккур дод, ки алҳол дар Ҷумҳурии Тоҷикистон  633 нафар иштирокчиён ва маъюбони Ҷанги дуюми ҷаҳон умр ба сар мебаранд, ки  11 нафари онҳо дар озод намудани шаҳри таърихӣ ва каҳрамони Ленинград (Санкт-Петербурги ҳозира) аз муҳосираи фашистон иштирок намудаанд