Маросими ҷоизасупорӣ ба Комроншоҳи Устопириён дар КМО доир шуд
Душанбе, 21.04.2016. /АМИТ «Ховар»/. Маросими ҷоизасупорӣ ба Комроншоҳи Устопириён ба ифтихори дастоварди беназири ӯ- ба даст овардани унвони қаҳрамони Осиё, ҳамзамон роҳ ёфтан ба Бозиҳои Олимпии Рио-де-Жанейрои Бразилия дар Кумитаи миллии олимпӣ баргузор гардид.
Котиби генералии Кумитаи миллии олимпӣ Баҳрулло Раҷабалиев зикр намуд, ки мусобиқоти қаҳрамонии Осиё оид ба ин навъи олимпии варзиш шурӯъ аз соли 1966-ум доир мешаванд ва варзишгарони тоҷик дар тӯли солҳои ширкати худ дар ин мусобиқоти қитъавӣ ҳамагӣ 16 медал ба даст овардаанд ва Комроншоҳи Устопириён нахустин намояндаи Тоҷикистон аст, ки дар таърихи дзюдои тоҷик ба унвони қаҳрамони Осиё соҳиб гаштааст.
Ёдовар мешавем, ки 30 май маросими расмии эълони ин варзишгари тоҷик ҳамчун иштирокдори Бозиҳои олимпӣ доир хоҳад шуд.
Ноиби президенти Федератсияи дзюдои Тоҷикистон Акбар Ғуломов, ки имрӯз аз дастоварди Комроншоҳ ифтихор дорад, ба ӯ дар мусобиқоти дарпешистода — Бозиҳои олимпии Рио-2016 барору муваффақият таманно кард.
ЛИБОСИ МИЛЛӢ — ОИНАИ ФАРҲАНГ ВА ҲУВИЯТИ МИЛЛАТ. Дар Душанбе либосҳои тоҷикиро тарғиб менамоянд
«ТОҶИКОНА МЕПӮШЕМ!». Бахшида ба Рӯзи Модар дар ноҳияи Рӯдакӣ ҳамоиш доир шуд
Имрӯз дар баъзе ноҳияҳои Тоҷикистон борон меборад
БАҲОРИ ГУЛРЕЗИ ТОҶИКИСТОН. Барои кишоварзон мавсими кишту кор фаро расид
НУҚТАИ НАЗАР. Ва ё нонреза ҳам нон аст
Дар шаҳри Кӯлоб 28 мавзеи осебпазир муайян гардидааст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар минтақаи Кӯлоб корҳои фаҳмондадиҳӣ оид ба истифодаи сарфакоронаи неруи барқ идома доранд
Имрӯз дар водиҳои Тоҷикистон ҳаво то 26 дараҷа гарм мешавад
Дар Ҷамоати деҳоти Қаратоғ озмуни «Кадбонуи беҳтарин» баргузор шуд
ТАҚВИМИ АМИТ «ХОВАР»: имрӯз 27 феврал, ҷумъа, 58-умин рӯзи соли 2026 аст
