Суғд: Дар раъйпурсии умумихалқӣ 1 млн 370 ҳазор раъйдиҳанда иштирок хоҳад кард
Хуҷанд. 26.04.2016 /АМИТ “Ховар”/. 22 май дар вилояти Суғд дар раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон 1 миллиону 370 ҳазор нафар сокинони вилоят иштирок хоҳанд кард. Ин нукта 25 апрел зимни баргузории ҷаласаи корӣ, ки дар мақомоти иҷроияи ҳокимияти давлатии вилояти Суғд доир гашт, зикр гардид. Дар кори ҷаласа ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Маҳмадалӣ Ватанзода, раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода, раиси вилояти Суғд Абдураҳмон Қодирӣ ва раисони шаҳру ноҳияҳои вилоят, раисони участкаҳои интихоботӣ, роҳбарони воҳидҳои сохтории мақомоти иҷроия ва фаъолон иштирок доштанд.
Тавре зимни ҷаласа таъкид гардид, ворид намудани тағйиру иловаҳо ба Конститутсияи Ҷумҳурии Тоҷикистон зарурати сиёсӣ, иҷтимоӣ ва ҳуқуқӣ дошта, он, пеш аз ҳама, барои таъмини зиндагии шоистаи сокинони кишвар мусоидат хоҳад кард.
Тибқи иттилои масъулини мақомоти ҳокимияти давлатии вилояти Суғд, 22 май рӯзи раъйпурсии умумихалқӣ дар вилоят 1 миллиону 370 ҳазор нафар сокинон дар 18 ҳавза ва 923 участкаи интихоботӣ раъй хоҳанд дод.
Аз теъдоди умумии раъйдиҳандагон 40 ҳазор нафари онҳо бори нахуст овоз медиҳанд.
Пагоҳ дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
