Ҳайати СҲШ раъйпурсии умумихалқиро шаффоф, озод ва қонунӣ эътироф кард
Душанбе, 23.05.2016 /АМИТ «Ховар»/. Ван Кайвэн, муовини котиби генералии Созмони Ҳамкории Шанхай-роҳбари ҳайати мушоҳидони байналмилалӣ аз Созмони Ҳамкории Шанхай раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистонро шаффоф, озод ва қонунӣ эътироф кард. Ин нукта зимни брифинги матбуотӣ, ки имрӯз бо иштироки ҳайати мушоҳидони байналмилалӣ аз Созмони Ҳамкории Шанхай дар толори Комиссияи марказии интихобот ва раъйпурсии Ҷумҳурии Тоҷикистон вобаста ба омодагиҳо, ҷараёни баргузорӣ ва натиҷаҳои пешакии раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон барои хабарнигорон баргузор шуд, таъкид гардид.
Роҳбари ҳайати мазкур Ван Кайвэн изҳор кард, ки Комиссияи марказии интихобот ва раъйпурсии Ҷумҳурии Тоҷикистон омодагиҳо ба баргузории раъпурсиро дар сатҳи баланди ташкилӣ анҷом дод. Аъзои ҳайати мушоҳидони СҲШ бо фаъолияти 78 участкаи раъйдиҳӣ дар шаҳрҳои Душанбе, Ҳисор, ноҳияҳои Ваҳдат, Варзоб ва шаҳру ноҳияи минтақаи Кӯлоби вилояти Хатлон аз наздик шинос гардида, ягон ҳолати вайрон гардидани тартибот ва қонунҳои ҷорӣ ба қайд гирифта нашуд.
Ҳайати мушоҳидони СҲШ иштироки фаъолонаи сокинони мамлакат, аз ҷумла иштироки фаъолонаи ҷавононро мушоҳида карданд, ки ин аз дарки фаҳмиши баланди сиёсӣ ва масъулиятшиносии сокинони Тоҷикистон дарак медиҳад.
Мавриди зикр аст, ки ҳайати мушоҳидони СҲШ аз намояндагони Ҷумҳурии Мардумии Чин, Федератсияи Русия, ҷумҳуриҳои Қазоқистон, Қирғизистон ва Узбекистон, ҳамчунин аз Котиботи СҲШ иборат ёфта, дар маъракаҳои интихобот ва раъйпурсии кишварҳои аъзои СҲШ бе дахолат кардан ба ҷараёни ин маъракаҳо иштирок карда, натиҷаҳои онро шаффоф инъикос мекунанд.
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
