Ҷалби хизматчиёни давлатӣ ба курси такмили ихтисос
Душанбе, 17.05.2016/АМИТ «Ховар»/. Тӯли як ҳафта муовинони раисони Вилояти Мухтори Кӯҳистони Бадахшон, вилоятҳои Суғду Хатлон ва дигар навоҳии кишвар, ки масъули бахши кишоварзӣ мебошанд, дар курси такмили ихтисос аз рӯи барномаи «Сиёсати давлатии аграрӣ дар Ҷумҳурии Тоҷикистон» фаро гирифта мешаванд.
Курси мазкур бо ибтикори Донишкадаи идоракунии давлатии назди Президенти Ҷумҳурии Тоҷикистон созмон дода шуда, ҳадафаш баланд бардоштани донишу малакаи хизматчиёни давлатӣ бо маълумоти муосир ва ҷавобгӯ ба талаботи ҷаҳонӣ аст. Курси такмили ихтисос то 21 май идома ёфта, дар ин муддат бо шунавандагон доир ба мавзӯъҳои заминаҳои ҳуқуқии хизмати давлатӣ дар Ҷумҳурии Тоҷикистон, таҳия ва амалисозии сиёсати давлатӣ дар соҳаи кишоварзӣ, роҳҳои амалисозии барномаи Ҳукумати Ҷумҳурии Тоҷикистон оид ба соҳаи кишоварзӣ, боғу токпарварӣ: ҳолат ва дурнамо, усулҳои самараноки истифодаи заминаҳои кишоварзӣ маъруза — мубоҳисаҳо гузаронида мешаванд.
Интизор меравад, ки дар анҷоми курси такмили ихтисос ба шунавандагон гувоҳномаҳо супорида шаванд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
