Дар Кобул 6 силоҳбадастро ба қатл расонданд

Душанбе, 10.05.2016 /АМИТ «Ховар»/. Субҳи рӯзи якшанбе дар зиндони Пули Чархии Кобул 6 силоҳбадаст ба қатл расонда шуданд.
Чанде пеш ба ҷинояткорон бо роҳи ба дор овехтан ҳукми қатл бароварданд.
Бино ба иттилои хадамоти матбуоти президенти Афғонистон, ҳукми қатл аз ҷониби президенти Афғонистон Муҳаммад Ашраф Ғанӣ тасдиқ карда шуд.
«Президенти Афғонистон Муҳаммад Ашраф Ғанӣ ҳукми қатли 6 маҳкумшударо, ки ба муқобили сокинони осоишта ва амнияти ҷомеа ҷиноятҳои вазнин содир намуданд, тасдиқ кард», — омадааст дар изҳороти хадамоти матбуоти президенти Афғонистон.
Ёдовар мешавем, қарори президенти Афғонистон дар бораи қатли ҷангиён пас аз ҳамлаи калони террористӣ дар Кобул, ки боиси марги 64 нафар ва ҷароҳат бардоштани 340 каси дигар гардид, қабул карда шуд.