Дар Норак бахшида ба Рӯзи оила маҳфили фарҳангӣ доир шуд

Норак, 17.05.2016 /АМИТ «Ховар»/. Дар китобхонаи шаҳри Норак ба муносибати рўзи байналмилалии оила бо иштироки мудирони шуъбаю бахшҳои дастгоҳи раиси шаҳр, оилаҳои намунавӣ ва навбунёд чорабинии идона баргузор гардид.
Дар он фаъолони корхонаю муассисаҳо иштирок намуда, нафарони рўзгордида барои мустаҳкамии оилаҳо ба ҷавонон пандҳои судманд пешниҳод намуданд.
Ҳунармандони бахши фарҳанг барномаи рангини консертӣ ва муҳассилини муассисаи таълимии №4 саҳначаҳои тарбиявиро ба ҳозирин намоиш доданд.