Дар шимолу ғарбии Афғонистон фармондеҳи саҳроии Толибон кушта шуд

Душанбе, 27.05.2016 / АМИТ «Ховар» /. Чархболҳои Артиши миллии Афғонистон ба ҷонибдорони Мулло Мансур Ахтар дар вилояти Сари пул, шимолу ғарби Афғонистон  дар ҳоле ки онҳо  чорабинии ёдбуди  раҳбари пешини худро мегузаронданд, зарба заданд.
«Ариана ТВ», бо истинод ба намояндаи беном аз мақомоти маҳаллӣ хабар медиҳад, ки шоми рӯзи панҷшанбе  тарафдорони  Мулло Мансур Ахтар дар деҳаи  Kата Қалъаи шаҳристони Созма Қалъаи музофоти Сари пул ба хотири  ёдбуд  ҷамъ  омаданд ва аз ҳаво аз ҷониби чархболҳои Артиши миллии Афғонистон мавриди ҳамла қарор гирифтанд.
Мансабдорони маҳаллӣ  ба  шабакаи телевизионӣ хабар доданд, ки дар натиҷа  ду тарафдори ҳаракати  экстремистии  Толибон кушта ва шаш низомии дигар маҷрӯҳ шудаанд. Бино ба иттилои манбаъ, дар миёни ҷангиёни кушташуда — Мулло Исмоил — яке аз  фармондеҳони саҳроии  маҳаллии Толибон низ будааст.