Дар Тоҷикобод даври аввали Озмуни ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ баргузор шуд

Тоҷикобод, 27.05.2016 /АМИТ «Ховар»/. Бахшида ба ҷашни 25 — солагии Истиқлолияти давлатии Ҷумҳурии Тоҷикистон дар ноҳияи Тоҷикобод даври аввали Озмуни ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ баргузор шуд, ки дар даври аввали он 43 деҳа, 258 маҳалла ва зиёда аз 100 хона ва оилаҳо иштирок намуданд. Аз инҳо 5 деҳа, 5 маҳалла, 9 хонаю оилаҳои беҳтарин аз ҷамоатҳои Қалъаи лаби об, Лангари шоҳ, Ш. Гадоев, Ширинчашма ва Нушор ба даври ноҳиявӣ пешниҳод гардиданд.
Комиссияи ноҳиявӣ иборат аз 15 нафар даври дуюмро аввалҳои моҳи июн ҷамъбаст намуда, натиҷаи ҷамъбасти даври дуюмро ба комиссияи минтақавӣ пешниҳод менамояд.