Дар Ваҳдат бахшида ба иди Ваҳдати миллӣ ва 25- солагии истиқлолият вохӯрӣ барпо гардид

Ваҳдат, 27.05.2016 /АМИТ «Ховар»/. Бахшида ба иди Ваҳдати миллӣ ва  25-солагии Истиқлолияти давлатии Ҷумҳурии Тоҷикистон дар чойхонаҳои ҷамъиятии деҳаҳои Кабиробод ва Ганҷинаи ҷамоати деҳоти А. Абдулвосиеви шаҳри Ваҳдат вохӯрии муовини раиси шаҳр Фарзона Хоҷазода ва масъулини ҷамоат бо сокинони деҳаҳо баргузор шуд. Дар вохӯрӣ масъулин доир ба дастовардҳои замони истиқлолият, сулҳу суботу оромии кишвар, нагаравидани ҷавонон ба гурӯҳҳои террористӣ ва рӯй наовардани ҷавонон ба фарҳанги бегона ҳарф зада, аз шаҳрвандон даъват ба амал оварданд, ки дар атрофи Пешвои миллат Эмомалӣ Раҳмон ҷамъ омада, кишварро дар якҷоягӣ боз ҳам ободтару зеботар гардонанд.
Зикр шуд, ки дар ваҳдату ягонагии мардуми тоҷик саҳми Пешвои миллат Эмомалӣ Раҳмон хеле калон аст, зеро Сарвари давлат зимни ҳар як мулоқоту суханронии худ пайваста мардумро ба далериву шуҷоат, мардонагӣ, эҳсоси баланди ватандорӣ ҳидоят мекунад.