Намояндагони Ассамблеяи байнипарлумонии ИДМ ба фаъолияти Суди конститутсионӣ таваҷҷуҳи хосса зоҳир намуданд
Душанбе, 24.05.2016 /АМИТ «Ховар»/. 21 майи соли 2016 раиси Суди конститутсионии Ҷумҳурии Тоҷикистон Маҳкам Маҳмудзода гурўҳи мушоҳидони байналмилалӣ аз Ассамблеяи байнипарлумонии Иттиҳоди Давлатҳои Мустақилро, ки ҷиҳати мушоҳидаи ошкорои рафти баргузории раъйпурсии умумихалқӣ оид ба ворид намудани тағйиру иловаҳо ба Конститутсия ба Ҷумҳурии Тоҷикистон ташриф оварда буданд, ба ҳузур пазируфт.
Зимни вохўрӣ раиси Суди конститутсионӣ оид ба муҳимияти ворид гардидани тағйиру иловаҳо ба Конститутсия изҳори назар карда, иброз намуд, ки тибқи муқаррароти қонунҳои конститутсионӣ «Дар бораи Суди конститутсионии ҶумҳурииТоҷикистон» ва «Дар бораи раъйпурсии Ҷумҳурии Тоҷикистон» ба салоҳияти Суди конститутсионӣ масъалаи муайян намудани мувофиқати лоиҳаи тағйиру иловаҳои ба Конститутсияи Ҷумҳурии Тоҷикистон воридшаванда ба Конститутсия мансуб мебошад.
Бо назардошти ин салоҳияти муқаррарнамудаи қонунгузорӣ то эълон гардидани раъйпурсии умумихалқӣ аз ҷониби Суди конститутсионӣ дар асоси пешниҳоди Маҷлиси намояндагони Маҷлиси Олии Ҷумҳурии Тоҷикистон лоиҳаи тағйиру иловаҳо мавриди баррасӣ қарор дода шуд ва бо қарори Суди конститутсионӣ лоиҳаи тағйиру иловаҳо ба Конститутсияи (Сарқонуни) Ҷумҳурии Тоҷикистон воридшаванда, ба Конститутсия мутобиқ дониста шуданд.
Намояндагони Ассамблеяи байнипарлумонии Иттиҳоди Давлатҳои Мустақил ба фаъолияти Суди конститутсионӣ, ки ба таъмини волоияти қонун ва амали бевоситаи Конститутсия нигаронида шудааст, таваҷҷуҳи хосса зоҳир намуданд.
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
