Офати табиӣ ба ноҳияи Сангвор зарар расонид

Сангвор, 17.05.2016 /АМИТ «Ховар»/. Дар натиҷаи боришоти борони пай дар пайи рӯзҳои 10 ва 12 майи соли равон ва баланд шудани маҷрои дарёҳо дар ноҳияи Сангвор 30 хонаи истиқоматӣ, 24 км роҳҳои ҷумҳуриявию маҳаллӣ, 29 адад пулҳои мошингузару одамгузар, 9,2 км хаттҳои интиқоли барқ, 3,9 км иншооти соҳилмахкамкунӣ, 13 км хаттҳои обёрӣ ва каналҳо, 2 истгоҳи фаръии трансформаторҳо, 89,9 га замини кишти зироати кишоварзӣ, аз ҷумла 44 га кишти картошка, 740 сар ҳайвонот ва парандаҳо ва 531 оилаи замбӯри асал қисман ва пурра хисорот дидаанд.
Тибқи иттилои маъулини ноҳияи мазкур зарари аз ин офати табиӣ ба сокинони ноҳия расида 13 млн. 415 ҳазору 400 сомониро ташкил медиҳад.