Роҳбари ҳайати мушоҳидони Созмони ҳамкории Шанхай Ван Кайвэн ба Душанбе омад
Душанбе, 20.05.2016 /АМИТ «Ховар»/. Имрӯз дар Комиссияи марказии интихобот ва раъйпурсии Ҷумҳурии Тоҷикистон мулоқоти раиси Комиссия Худоёрзода Бахтиёр Тавар бо муовини Котиби генералии Созмони ҳамкории Шанхай Ван Кайвэн, ки роҳбарии ҳайати мушоҳидони байналмилалиро аз Созмони ҳамкории Шанхай дар давраи омодагӣ ва баргузории раъйпурсии умумихалқӣ оид ба «Тағйиру иловаҳо ба Конститутсияи (Сарқонуни) Ҷумҳурии Тоҷикистон» ба уҳда дорад, баргузор гардид.
Раиси Комиссияи марказии интихобот ва раъйпурсии Ҷумҳурии Тоҷикистон Худоёрзода Бахтиёр Тавар дар мулокот оид ба ҷараёни омодагӣ ба раъйпурсии умумихалқӣ, ки рӯзи 22 майи соли 2016 баргузор мегардад, сухан гуфта, изҳори бовар намуд, ки раъйпурсии умумихалқӣ дар сатҳи баланди ташкилӣ бо иштироки васеъи шаҳрвандон баргузор мегардад.
Роҳбари ҳайати мушоҳидони байналмилалии Созмони ҳамкории Шанхай Ван Кайвэн иброз дошт, ки ҳайати мушоҳидони байналмилалӣ аз Созмони ҳамкории Шанхай ба кори худ оғоз намуда, натиҷаҳои мушоҳидаи ҷараёни омодагӣ ва баргузории раъйпурсии умумихалқиро 23 майи соли равон пешниҳод менамояд.
Дар мулоқот ҷонибҳо оид ба паҳлуҳои гуногуни раванди омодагӣ ва баргузории раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон мубодилаи афкор намуданд.
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
