Ш.Зуҳуров: Ба шахсони пушти ҳодисаи Хован қарордошта, мувофиқи амалашон ҷазо дода шавад
Душанбе, 20.05.2016/АМИТ Ховар/. Масъалаи муҳоҷирати меҳнатӣ ва фароҳам овардани шароити мусоид барои муҳоҷирони кории тоҷик яе аз мавзуоти меҳварии мулоқоти Шукурҷон Зуҳуров-раиси Маҷлиси намояндагони Маҷлиси Олии Ҷумҳурии Тоҷикистон бо Сергей Наришкин -раиси Думаи давлатии Маҷлиси Федералии Федератсияи Русия буд, ки дар Санкт — Петербург сурат гирифт. Дар ин росто Ш.Зуҳуров аз ҳамтои русаш тақозо намуд, ки дар ҳалли мунсифонаи қазияи нангини дар оромгоҳи Хован ба вуқӯъомада мусоидат намуда, ба ҷинояткорону шахсони пушти ин ҳодиса қарордошта мувофиқи амалашон ҷазо дода шавад.
Ш.Зуҳуров таъкид кард, ки фаъолияти муғризонаи чунин гурӯҳҳо наметавонад рӯи сатрҳои муносиботи неку анъанавии Тоҷикистону Русия хатти сурх кашад. Муносиботи неки мардумони ду кишвар решаи таърихӣ дошта, бобоёну падарони мо дар канори ҳам тавонистанд, ки ба қавитарин рақиби худ дар Ҷанги дуюми ҷаҳонӣ пирӯз шаванд. Бояд мо таҷрибаи гузаштагони худро истифода намуда, нагузорем, ки гурӯҳҳои иғвогар ба муносиботи дӯстонаи мо халал ворид намоянд.
Дар мулоқот ҳамзамон масоили таҳкими ҳамкории парлумонӣ байни ду кишвар матраҳ гардид.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
