«Шоми Ваҳдат» ва маҳфили адибон дар Роштқалъа

Қурғонтеппа, 27.05.2016 /АМИТ Ховар/.    Дирӯз, 26 май дар мавзеи Шошиндашти ноҳияи Роштқалъа «Корвони Ваҳдат»-и Хатлонро раиси ноҳия Юсуф Султонноёбов ва дигар намояндагони расмии ноҳия бо нону намак, шеъру суруд ва бо дилгармии хосса истиқбол намуданд.
Тавре  аз   шуъбаи иттилоотӣ-таҳлилии  мақомоти иҷроияи ҳокимияти давлатии  вилояти   Хатлон  иттилоъ  доданд, баъд аз зуҳри ҳамон рӯз дар ҷамоати деҳоти Тӯсиён маҳфили адибони Хатлонзамин бо иштироки Ҳақназар Ғоиб, Усмон Билолӣ, Ғаффоралӣ Сафар ва Чупон Бадал доир гардид. Адибон дар  васфи сулҳу  ваҳдат шеърхонӣ намуда, аз  дастовардҳои давраи соҳибистиқлолии  Тоҷикистон ёдрас  шуданд.
Дар назди варзишгоҳи марказии ноҳия  намоиши ҳунарҳои мардумӣ, фурӯши маҳсулоти кишоварзӣ  ва саноатӣ, тайёр кардани хӯрокҳои миллӣ, аз ҷумла оши палав доир гардид.
Ҳамзамон барномаи консертиии «Шоми Ваҳдат» пешкаши мардуми ноҳия гардонида шуд.