Файзобод: Марҳилаи якуми Мусобиқаи ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ дар ҷамоатҳои шаҳраку деҳоти ноҳия ҷамъбаст гардид

Файзобод, 6.06.2016 /АМИТ «Ховар»/. Мақомоти иҷроияи ҳокимияти давлатии ноҳияи Файзобод бо мақсади иҷрои дастуру супоришҳои Ҳукумати Ҷумҳурии Тоҷикистон ва бахшида ба 25-солагии Истиқлолияти давлатии Ҷумҳурии Тоҷикистон даври якуми мусобиқаи ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавиро дар ҷамоатҳои шаҳраку деҳот баргузор намуд. Дар доираи баргузории чорабинии мазкур ҷамоатҳои шаҳраку деҳоти ноҳия, деҳаю ташкилотҳо ва оилаҳою корхонаҳо вазифадор карда шудаанд, ки ба эҳёву рушди анъанаҳои миллӣ, ободу зебо намудани маҳаллаҳои аҳолинишин, дастгирии соҳибкорӣ ва таъсиси ҷойҳои нави корӣ аҳамияти ҷиддӣ зоҳир намуда, барои дар сатҳи баланди сиёсиву ташкилӣ таҷлил намудани 25-солагии Истиқлолияти давлатии Ҷумҳурии Тоҷикистон тадбирҳои муассир андешанд.
Марҳилаи якуми Мусобиқаи ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ дар ҷамоатҳои шаҳраку деҳоти ноҳия ҷамъбаст гардид ва ба комиссияи ноҳиявӣ 9 деҳаи беҳтарин, 9 хонаи беҳтарин, 9 оилаи намунавӣ пешниҳод карда шуд.