Мусобиқаи ҷумҳуриявӣ: Ҷамоати деҳоти Тавилдара дар ноҳияи Сангвор ҷойи аввалро гирифт

Июнь 16, 2016 10:11

Cангвор, 16.06.2016 /АМИТ «Ховар»/. Дар ноҳияи Сангвор ҷамоати деҳоти Тавилдара дар марҳилаи аввали Мусобиқаи ҷумҳуриявии беҳтарин шаҳр, ноҳия, шаҳрак, ҷамоат, деҳа, маҳалла, хона ва оилаи намунавӣ сазовори ҷойи аввал гардид.
Ҷамоати деҳоти Тавилдара 25 фоизи масоҳати ноҳияро ташкил медиҳад, ки он ба 564 километри мураббаъ баробар аст. Аҳолиаш 6113 нафар, ки аз ин шумора 2983 нафар зан ва 3130 нафар мард аст. Аз шумораи умумии аҳолӣ 1304 нафарро ҷавонон ташкил медиҳанд. Ҷамоати деҳоти Тавилдара дар қисмати ҷанубу шарқии ҷумҳурӣ ҷойгир шудааст. Ҷамоати деҳоти Тавилдара дар водии рӯди Хингоб ҷойгир шуда, онро дар ҷануб ағбаҳои Полезаку Харсанг аз Ҷамоати деҳоти Шугнови ноҳияи Ховалинг ҷудо менамоянд.Ҷамоати деҳоти Тавилдара дар ғарб бо сарҳади Ҷамоати деҳоти Чилдара ва дар шарқ бо Ҷамоати деҳоти Сайёд ҳамҳудуд аст. Ҷамоати деҳоти Тавилдараро дар қисмати шимол силсилаи қаторкӯҳҳо аз ноҳияҳои Рашту Тоҷикобод ҷудо менамоянд. Ҷамоати деҳоти Тавилдара дар маркази ноҳия воқеъ гардида, дар он 1 филиали КВД-и Маркази касбомӯзию соҳибкорӣ, 1 масҷиди ҷомеъ, 8 масҷиди панҷвақта, 10 ҷойи ҷамъиятӣ ва 56 хоҷагии деҳқонӣ фаъолият мекунанд.
Аҳолии ҷамоати деҳоти мазкур ба чорводорӣ, картошкапарварӣ, занбӯри асалпарварӣ ва боғпарварӣ машғул мебошанд.
Ҷамоати деҳоти мазкур дорои 1 беморхона, 1 маркази саломатӣ, 5 бунгоҳи тиббӣ, 3 китобхона, 1 қасри фарҳанг, 4 муассисаи таҳсилоти миёнаи умумӣ, 2 муассисаи умумии асосӣ, 5 муассисаи таҳсилоти ибтидоӣ, 1 мактаб-интернати ҷумҳуриявӣ барои кӯдакони ятим, 1 литсейи касбӣ-техникӣ, 10 майдончаи варзишӣ ва 1 варзишгоҳи дорои  зиёда аз 4000 ҷои нишаст мебошад.

Июнь 16, 2016 10:11

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад