Тоҷикобод: Дар Мусобиқаи ҷумҳуриявӣ оилаи Қадим Туйчиев сазовори ҷойи аввал гардид

Тоҷикобод, 30.06.2016 /АМИТ «Ховар»/. Даври аввали Мусобиқаи  ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ дар сатҳи ҷамоатҳои шаҳраку деҳоти ноҳияи Тоҷикобод ҷамъбаст гардид, ки дар он оилаи Қадим Туйчиев, сокини деҳаи Мазори поёни ҷамоати Лангари шоҳи ноҳия сазовори ҷойи аввал дониста шуд. Ӯ оиладор ва соҳиби фарзандони маълумотдор мебошад. Қадим Туйчиев айни замон сардухтури ноҳия буда, бо таҷрибаи 24- солаи кориаш сокинони ноҳияро табобат мекунад.
Тибқи андешаи масъулини ноҳия, озмуни мазкур барои баланд бардоштани ҳисси зебоипарастӣ, эҳёи анъанаҳои миллӣ, ҳашарҳои мардумӣ, ҷалб гардидани аҳолӣ ба корҳои ободонӣ ва баланд бардоштани ҳисси ватандӯстии мардум мусоидат намуда, барои  доштани зиндагии шоиста таъсир мерасонад.