Агентии миллии иттилоотии Тоҷикистон «Ховар» бо мақсади дарёфти истеъдодҳо озмун эълон менамояд
![](https://khovar.tj/wp-content/uploads/2016/06/logo_khovar_tj.png)
Душанбе, 27.07.2016. /АМИТ «Ховар»/. Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон бо мақсади дарёфти чеҳраҳои нав, хабарнигорони бомаҳорат, журналистони касбӣ, ровиёну барандаҳои боистеъдод ва маҳфилороёни шоу-барномаҳои радио озмун эълон мекунад.
Дар озмун ҷавонписарону духтарони аз 20 то 40- сола, ки дорои маълумоти олӣ мебошанд, иштирок карда метавонанд.
Озмун ба тариқи суҳбат гузаронида мешавад.
Барои иштирок дар озмун доштани маълумоти олии касбӣ ва маҳорати кор бо технологияҳои муосири иттилоотӣ, донистани забони давлатӣ (барои хабарнигорони бахшҳои русӣ, англисӣ, арабӣ ва форсӣ донистани ин забонҳо) ҳатмист. Ба донандагони забонҳои хориҷӣ афзалият дода мешавад.
Довталабон бояд ба Комиссияи қабул ҳуҷҷатҳои зеринро пешниҳод намоянд:
ариза;
варақаи шахсии баҳисобгирии кадрҳо;
шарҳи ҳол;
3 дона cурати 3х4;
нусхаи ҳуҷҷати тасдиқкунандаи таҳсилот;
нусхаи дафтарчаи меҳнатӣ;
маълумотнома оид ба вазъи саломатӣ (шакли 086);
нусхаи шиноснома;
нусхаи гувоҳнома аз мақомоти андоз (РМА);
маълумот аз ВКД барои изи ангуштон.
Хоҳишмандон метавонанд ҳуҷҷатҳояшонро бо суроғаи шаҳри Душанбе, хиёбони Рӯдакӣ 40 ба Агентии миллии иттилоотии Тоҷикистон «Ховар» ирсол намоянд.
Телефон барои маълумот: 221-33-13
Муҳлати қабули ҳуҷҷатҳо аз 1 то 25 августи соли 2016.
Ҳуҷҷатҳои пешниҳоднамудаи довталабоне, ки барои суҳбат иҷозат дода нашудаанд ё аз озмун нагузаштаанд, дар асоси муроҷиати довталаб бо гирифтани забонхат баргардонида мешаванд.