Бонуи тоҷик сазовори Ҷоизаи «Беҳтарин зани ихтироъкор» гардид

Июль 1, 2016 17:09

Имрӯз ҷомеаи Тоҷикистон дар симои зан на танҳо модар, хоҳар ва ҳамсар, балки сиёсатмадори шинохта, донишманди асил, сарвари муваффақ, соҳибкори саховатпеша, табиби ҳозиқ, корманди поквиҷдони мақомоти ҳифзи ҳуқуқ, ҳомии Ватан, бинокори номдор, мураббии наслҳо ва ҳамшираи меҳрубонро мебинад, ки  мояи ифтихори ҳар яки мову шумо мебошад.

                                                                                      Эмомалӣ Раҳмон

Душанбе, 01.07.2016. /АМИТ «Ховар»/. Мояи ифтихори тоҷикистониён аст, ки дар Кореяи Ҷанубӣ  дар як озмуни ҷаҳонӣ Биҳамида Маҳкамова, устоди Донишгоҳи давлатии  тиббии Тоҷикистон ба номи Абуалӣ ибни Сино, номзади илмҳои кимиё ва тиб  барои ихтирои маводи зиддибактериявии   «Фитосуман» сазовори  Ҷоизаи «Беҳтарин зани ихтироъкор»  гардида,  бо ин навоварӣ  дар соҳаи тиб дар миёни 400 зан аз 25 кишвари дунё яке аз беҳтарин занони ихтироъкор дониста шуд.
Дар суҳбат бо хабарнигори  АМИТ «Ховар»  Биҳамида Маҳкамова  зикр намуд, ки натиҷаи сиёсати пешгирифтаи Давлату Ҳукумати мамлакат   нисбат ба  дастгирии занону  духтарон аст, ки бонувони тоҷик   ба муваффақиятҳои беназир ноил мегарданд. Номбурда афзуд, ки  барои ихтирои ин маводи зиддибактериявӣ  8 соли умрашро ба таҳқиқу омӯзиш  сарф намудааст  ва имрӯз  ифтихор дорад,  ки заҳматҳояш барабас нарафта,  натиҷаи назарас доданд. Ӯ ба ин васила имкон пайдо намуд, ки  фазолати баланд доштани  занони тоҷикро дар арсаи байналмилалӣ  бори дигар  исбот намуда, дар нигоҳдошти саломатии мардум саҳми хешро гузорад.
Биҳамида Маҳкамова ҳамчунин зикр намуд, ки дар ҳоле ки истифодаи зиёди антибиотикҳои сахттаъсири ба инсон зараровар дар Тоҷикистону ҷаҳон ба як мушкил табдил ёфтааст, ин маҳлули ихтироънамудаи ӯ пурра аз гиёҳҳои табиӣ омода шуда, ба саломатии одам   безарар мебошад. Мавсуф барои арзону дастрас гардидани ин дору аз 12 намуд гиёҳу растаниҳои кишвар истифода бурдааст. Ибодат Умедова, корманди  масъули Маркази миллии патент ва иттилооти Тоҷикистон, ки ихтирои 3 олимаи тоҷикро  дар ин озмун муаррифӣ мекард, иттилоъ дод, ки  дар 9 умин  Намоишгоҳ ва форуми ҷаҳонии занони ихтироъкор  ду  олимаи дигари тоҷик — Зарина Яминова барои кашфи тарзи ҳосилкунии оҳори нахи пахта бо медали нуқра ва Мубоширахон Раҳимова барои ихтирои усули  дарёфти равғани зағир бо медали биринҷӣ қадрдонӣ шудаанд. Ин соли панҷум аст, ки занони донишманди  тоҷик дар ин озмуни ҷаҳонӣ ширкат намуда,  ҷойҳои намоёнро сазовор мешаванд.
«Имрӯз  дар кишвар 140 зан барои ихтирои худ соҳиби патент шуда, занони тоҷик маъмулан дар соҳаи тиб навовариву ихтироъ мекунанд ва  хотирасон менамоем, ки соли 2014 Мубошира Раҳимова, доктори фанҳои кимиё ва тиб аз озмуни байналмиллалии ихтироъкорон дар Кореяи Ҷанубӣ барои ихтирояш дар соҳаи кимиё бо 4 медал, аз ҷумла бо нишони тиллоӣ баргашта буд», — афзуд И.Умедова.

Июль 1, 2016 17:09

Хабарҳои дигари ин бахш

Моҳбону Накҳатзода, муовини Раиси Бонки миллӣ: «Саҳми бонувони тоҷик дар рушду ташаккули низоми бонкдории Тоҷикистон чашмрас аст»
«БОЗИҲОИ ОЛИМПӢ ДАСТОВАРДҲОИ КИШВАРИ БУЗУРГИ ЧИНРО ИНЪИКОС МЕКУНАНД». Президенти Тоҷикистон Эмомалӣ Раҳмон дар остонаи ифтитоҳи Бозиҳо ба суолҳои намояндагони ВАО-и расмии Чин посух доданд
САВГАНДИ ҲАРБӢ. Ҳадаф ин аст, ки масъулиятшиносӣ аз миён наравад, аҳдшиканӣ набошад ва қонуншиканӣ дида нашавад
МУСОҲИБАИ Президенти Ҷумҳурии Тоҷикистон Эмомалӣ Раҳмон бо Агентии миллии иттилоотии Тоҷикистон «Ховар» ба муносибати 20-солагии Созмони ҳамкории Шанхай
«ТОҶИКИСТОН ДАР ОСТОНАИ СИСОЛАГИИ СОҲИБИСТИҚЛОЛӢ: МУШКИЛОТ, ҲАЛЛИ ОНҲО ВА ДУРНАМО». Таҳти чунин унвон мусоҳибаи Президенти Ҷумҳурии Тоҷикистон Эмомалӣ Раҳмон дар «Евразийский экономический журнал» нашр гардид
Муовини якуми Раиси Ҳизби Халқии Демократии Тоҷикистон Абдуҷаббор Азизӣ: «Дар маркази барномаҳои ҲХДТ идеяи ваҳдати миллӣ ва суботу амнияти ҷомеа меистад»
«ҲАМАИ ВАКСИНАҲОЕ, КИ ТАЪЙИД ЁФТААНД, МАНФИАТОВАРАНД». Доктор Ораш Алоӣ шаҳри Душанберо дар сегонаи пойтахтҳои аз ҷиҳати паҳншавии коронавирус ва эҳтимоли гирифторшавӣ ба он бехатар ном бурд
ТОҶИКОН ВА ӮЗБЕКОН – БАРОДАРОНИ ҶОВИДОН! Дар арафаи сафари Президент Шавкат Мирзиёев директори генералии Агентии миллии иттилоотии Ӯзбекистон – ӮзА Абдусаид Кӯчимов ва директори Агентии миллии иттилоотии Тоҷикистон «Ховар» Саидалӣ Сиддиқ дар бораи ҳолати кунунӣ ва пешомадҳои ҳамкории ду кишвар суҳбат карданд.
ЎЗБЕКЛАР ВА ТОЖИКЛАР – АБАДИЙ БИРОДАРЛАР. Ӯзбекистон Президентининг бўлажак ташрифи арафасида Ўзбекистон миллий ахборот агентлиги – ЎзА бош директори Абдусаид КЎЧИМОВ ва Тожикистон Миллий ахборот агентлиги – “Ховар” директори Саидали СИДДИҚ мамлакатларимиз ўртасидаги ҳамкорликнинг бугунги ҳолати ва истиқболлари ҳақида суҳбатлашди
«ЗИЁДА 43 СОЛ БОЗ МАН ДАР ТОҶИКИСТОН ЗИНДАГӢ МЕКУНАМ». Мусоҳибаи роҳбари ҷамъияти қазоқони «Байтерек» дар Тоҷикистон Зауре Саминова бо АМИТ «Ховар»
Вазири фарҳанг Зулфия Давлатзода бо хабарнигори АМИТ «Ховар» дар бораи тағйирот ба низомномаи озмуни «Тоҷикистон – Ватани азизи ман» суҳбат кард
ШЕРАЛӢ МИРЗО: «ИСЛОҲОТИ ҲАРБӢ ДАР ҚУВВАҲОИ МУСАЛЛАҲИ МАМЛАКАТ ИДОМА ДОРАД». Вазири мудофиаи Тоҷикистон ба саволҳои хабарнигори АМИТ «Ховар» посух дод