Дар Астрахан ба Умар Хайём ҳайкал гузоштанд
Душанбе, 07.07.2016 / АМИТ «Ховар» /. Аввалҳои моҳи июл дар Астрахан муҷассамаи шоири тоҷику форс Умар Хайём, ки қаблан ба шаҳр оварда шуда буд, насб гардид. Ин ҳайкали биринҷӣ дар Урал сохта шуд ва 2,5 ҳазор километрро дар роҳҳои Русия тай кард.
Бино ба иттилои портали «Каспийские новости», маросими расмии ифтитоҳи муҷассама дар моҳи августи соли ҷорӣ баргузор мешавад. Муҷассама аз ҷониби ҳайкалтароши Челябинск- Сергей Воробёв эҷод шудааст, ки шахсан дар ҷараёни насби офариниши худ дар шаҳри Астрахан ҳузур дошт. Ин кор бо фармоиши Палатаи савдои остони Гилони Эрон, ки қаблан бо ҳайкалтарош қарордод баста буд, анҷом ёфт.
То маросими пуршукӯҳи ифтитоҳ муҷассама бо як матои тираранг пӯшонида мешавад. Бинобар ин танҳо дар моҳи август мардуми Астрахан метавонанд бубинанд, ки симои шоири бузурги форсу тоҷик чи гуна офарида шудааст.
Баландии ҳайкали биринҷӣ бо вазни 1,5 тонна 4 метрро ташкил медиҳад. Вай дар корхонаи шаҳри Екатеринбург офарида шуда, дар як қуттии махсус бо мошин ба Астрахан интиқол гардид. Ҳамин тариқ, Хайём то расидан ба пойтахти вилояти Астрахан 2,5 ҳазор километрро дар Русия сафар кард.
Дар насби муҷассама ҳамчунин, консули генералии Эрон дар Астрахан Алӣ Муҳаммадӣ ва раиси Палатаи савдои Гилон Ҳодӣ Тезҳуш ширкат варзиданд.
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
