Деваштич: Кормандони милиса барои хизматҳои софдилонаашон қадрдонӣ мегарданд

Июль 25, 2016 14:02

Душанбе, 25.07.16. /АМИТ «Ховар»/. Дар ноҳияи Деваштич  ҷиҳати  сипос ва қадршиносии хизматҳои беназири кормандони шуъбаи Вазорати корҳои дохилии Ҷумҳурии Тоҷикистон баҳри  таъмини тартиботи ҷамъиятиву амнияти кишвар бинои нави ёрирасон барои афсарону кормандони ин мақомот сохта  мешавад.
Намояндагони Кумитаи иҷроияи Ҳизби халқии демократии Тоҷикистон дар ноҳияи Деваштич ва НТҶҶ «Созандагони Ватан» бо мақсади  шинос шудан аз рафти корҳои сохтмонӣ аз он  дидан намуданд.
Тавре  аз  Кумитаи иҷроияи Ҳизби халқии демократии Тоҷикистон дар ноҳияи Деваштич иттилоъ доданд,  соли 2015 корҳои ободонию муҷаҳҳазгардонӣ ва таъмири бинои асосии ШВКД-и Ҷумҳурии Тоҷикистон дар ноҳия бо дастгирии Мақомоти иҷроияи ҳокимияти давлатии ноҳия ва бо ҳиссагузориҳои ҳайати шахсӣ ба роҳ монда шуда, соли равон  бахшида ба таҷлили 25-солагии Истиқлолияти давлатии Ҷумҳурии Тоҷикистон сохтмони бинои нави ёрирасони он  оғоз гардидааст. Дар ин бунёдкорӣ  саҳми соҳибкорони саховатпешаи ноҳия низ дар баробари дастгирии Мақомоти иҷроияи ҳокимияти давлатӣ ва ҳиссагузориҳои ҳайати шахсӣ назаррас аст. Бино бо тарҳи замонавӣ бунёд гардида,  аз як долони барҳаво, ҳаммом,  хонаи истироҳатии бо тамоми таҷҳизоти фароғатӣ муҷаҳҳаз, аз як ошхонаву хонаи хӯрокхӯрӣ ва як хобгоҳ барои 20 нафар кормандон иборат аст.
«Ҳар як корманди масъули шуъбаи Вазорати корҳои дохилии Ҷумҳурии Тоҷикистон дар ноҳияи Деваштич дар иҷрои вазифаҳояшон масъулиятшинос ва нисбат ба худ серталаб буда, бо эҳсоси баланди таъмини тартиботу амнияти диёру кишвар барои халқу Ватан адои хизмат намуда истодаанд. Маҳз кордонию сермаҳсулии онҳо, ҳамкориашон бо дигар мақомоти ҳифзи ҳуқуқи ноҳия ва аҳли ҷамоатчигӣ, инчунин дар байни аҳолӣ хуб ба роҳ монда шудани корҳои фаҳмондадиҳиву профилактикӣ ба шуъбаи мазкур имконият дод, ки сатҳи ҷинояткорӣ дар ноҳия сол ба сол паст гардида, сатҳи кушодашавии онҳо сад фоизро ташкил диҳад. Айни ҳол фазои ноҳия орому осуда буда, ҳар як сокин ва меҳмони ноҳия имконият доранд, ки  бо рӯҳияи болидаву хотири ҷамъ дар кӯчаву хиёбонҳои он  сайругашт намуда, кору фаъолият намоянд»,-иброз дошт  манбаъ ва илова намуд, ки  моро месазад, ки хизматҳои чунин фарзандони халқу Ватанро қадр намуда, баҳри фароғати онҳо низ ҳисса гузорем ва дар кори пуршарафи онҳо дасти ҳамкорӣ дароз намоем.

Июль 25, 2016 14:02

Хабарҳои дигари ин бахш

Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад