Мусобиқаи шоҳмот бахшида ба 25-солагии Истиқлолият дар шаҳри Кӯлоб

Душанбе, 20.07.2016. /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон бо ташаббуси Вазорати корҳои дохилии Ҷумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, дирӯз дар Боғи фарҳангию фароғатии шаҳри Кӯлоб мусобиқаи шоҳмот доир гардид.
Тавре аз Вазорати корҳои кишвар хабар доданд, мусобиқаи шоҳмот, ки бо шавқу рағбати зиёд ҷараён гирифт, баёнгари тарзи ҳаёти солим ва неруи зеҳнии ин насли созанда ба шумор меравад.
Ҳар яке талош бар он меварзид, ки ғолиби мусобиқа гардида, дар ин намуди варзиш беҳтарин бошад.
Ҷавонону наврасон бо азму иродаи қавӣ, ифтихор аз Ватану ватандорӣ изҳор мекарданд, ки ҳамчун як ҷавони бофарҳанг, бонангу номус ва соҳибтамаддун саҳми худро барои пешрафту тараққиёт ва рушду нумӯи кишвар хоҳанд гузошт.
Дар хотима ғолибон аз ҷониби роҳбарияти Вазорати корҳои дохилӣ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо туҳфаҳо қадрдонӣ гардиданд.