Нашри «Пайроҳаи тақдир»-и Сано

Душанбе, 25.07.2016. /АМИТ «Ховар»/. Нашриёти «Адиб» маҷмӯаи шеърҳои шоира Санавбари Солеҳро, ки бо тахаллуси Сано шеър эҷод менамояд, таҳти унвони «Пайроҳаи тақдир» мунташир намуд. Китоб бо теъдоди 1000 нусха чоп ш уда, дар он шеъру ғазалҳои шоира таҳти унвони «Гулрези хаёл» ва «Меҳроби роз» гирд оварда шудаанд.
Ашъори шоира саршор аз меҳру муҳаббат ба Ватан, ситоиши зебоиҳои нотакрори табиати кишвар, тарғиби ишқи поку беолоиш ва фазилатҳои неку ҳамидаи инсонист.
Санавбари Солеҳ зодаи яке аз мавзеҳои зебоманзари кишвар-Варзоб буда, соли  2000  Донишгоҳи  миллии Тоҷикистонро хатм намудааст. Алҳол ба ҳайси омӯзгори фанҳои  забон ва адабиёти тоҷик  кор мекунад.
Сано  ҳанӯз аз сини 14-солагӣ ба навиштани шеър оғоз кардааст. Ӯ дар солҳои донишҷӯияш бо шоирони  тоҷик ҳамкорӣ намуда, шеърҳояш дар ҳафтаномаҳои  «Адабаиёт ва санъат» ва «Оила» нашр гардидаанд.