Сокини қаблан судшудаи шаҳри Қӯрғонтеппа дубора ҷиноят содир кард

Душанбе, 20.07.2016. /АМИТ «Ховар»/. Ба ШВКД дар шаҳри Қӯрғонтеппа марди 58-солаи сокини шаҳри мазкур муроҷиат намудааст, ки 15 июли соли равон тахминан соати 12:30 дар маҳаллаи Ваҳдати шаҳри Қӯрғонтеппа, шахси номаълум ӯро лату кӯб намуда, бо роҳи зӯроварӣ аз дасташ 303 сомониро тасарруф намуда, аз ҷойи ҳодиса ғайб задааст.
Ба иттилои Вазорати корҳои дохилии кишвар, зимни гузаронидани чорабиниҳои фаврию ҷустуҷӯӣ аз ҷониби кормандони милитсия, марди 39-солаи сокини ҳамин шаҳр, ки пеш бо моддаи 244 қисми 2 Кодекси ҷиноятии Ҷумҳурии Тоҷикистон суд шудааст, дастгир карда шуд.

Нисбат ба  далели мазкур парвандаи ҷиноятӣ оғоз гардида, тафтишот идома дорад.