КҲФ созишномаи навбатиро ҷиҳати пешгирии ҳолатҳои фавқулода ва рафъи оқибатҳои офатҳои табиӣ ба имзо расонид
Душанбе, 05.08.2016. /АМИТ «Ховар»/. Имрӯз, 5 август маросими баимзорасонии лоиҳаи «Таҳкими иқтидор оид ба омодагӣ ва вокуниш миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон (КҲФ) ва Барномаи Рушди СММ» дар Тоҷикистон баргузор шуд.
Ин лоиҳа аз ҷониби Ҳукумати Федератсияи Русия дар доираи Хазинаи трастовии Барномаи Рушди СММ маблағгузорӣ мешавад. Лоиҳа то соли 2018 идома ёфта, маблағи он 1,650 млн. доллари ИМА-ро ташкил медиҳад.
Мақсади асосии лоиҳа таҳкими иқтидори кумита оид ба омодагӣ ва вокуниш ба офатҳои табиӣ дар Тоҷикистон мебошад, ки расонидани кумакҳои техникӣ, омӯзиш ва бозомӯзонидани кормандони КҲФ-ро дар бар мегирад.
Ҳуҷҷати лоиҳавиро раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода ва директори минтақавии Барномаи Рушди СММ Ян Харфст имзо карданд.
Бояд зикр кард, ки Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар зарфи 22 соли фаъолият 18 созишномаи байнидавлатӣ ва байналмилалӣ дар самти пешгирии ҳолатҳои фавқулода ва бартарафсозии оқибатҳои офатҳои табиӣ ба имзо расонидааст.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
