Шиносоии Сарвари давлат аз ҷараёни корҳои саҳроӣ дар хоҷагии ёрирасони тухмипарварии ба номи Файзалӣ Саидови ноҳияи Бохтар
Душанбе, 25.08.2016. /АМИТ «Ховар»/. Дар ноҳияи Бохтар Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз ҷараёни корҳои саҳроӣ дар хоҷагии ёрирасони тухмипарварии ба номи Файзалӣ Саидов шинос шуд.
Ин хоҷагии тухмипарварӣ дар асоси Қарори Ҳукумати Ҷумҳурии Тоҷикистон аз 31-уми декабри соли 2008, ҳамчун хоҷагии зертобеъи Ҷамъияти саҳҳомии кушодаи «Ресандаи Қурғонтеппа» таъсис дода шуда, алҳол дар тавозуни он 4 ҳазору 394,3 гектар замини корами обӣ мавҷуд мебошад.
Кишоварзон ба Сарвари давлат иттилоъ доданд, ки онҳо соли равон дар заминҳои хоҷагӣ дар майдони 915,1 гектар ғалладона, 3 ҳазору 50 гектар пахта, 57,4 гектар картошка, 210,4 гектар сабзавот ва 112,9 гектар зироати хӯроки чорво кишт намуданд.
Айни ҳол дар хоҷагӣ зироати гандум, ҷав, ҷуворимакка, картошка, сабзавот ва полезӣ пурра ва беталаф ҷамъоварӣ шудааст.
Чуноне ба Сарвари давлат иттилоъ доданд, имсол аз ҳар гектар кишти зироат дар ин хоҷагӣ, 50 сентнерӣ гандуму ҷав, 44 сентнерӣ ҷуворимакка, 262 сентнерӣ картошка ва 268 сентнерӣ сабзавот ҷамъоварӣ шудааст, ки ин нишондод нисбати дурнамо аз 1 то 16 фоизӣ бештар будааст.
Дар ҳудуди Хоҷагии ёрирасони тухмипарварии ба номи Файзалӣ Саидов ҳамзамон ду гектар боғ ҳам бунёд шудааст. Бо ба роҳ мондани агротехникаи дуруст ва нигоҳубини хуб, боғи навбунёд аллакай дар соли сеюмаш нашъунамои хуб намуда, хоҷагидорон дар соли оянда аз он ҳосили дилхоҳ интизоранд.
Зироати асосии дар хоҷагии деҳқонии Файзалӣ Саидов киштшаванда пахта буда, кишти он 69,4 дарсади замини корами хоҷагиро ташкил медиҳад.
Имсол ҳам таваҷҷуҳи асосӣ ба кишти ҳамин зироат равона гардида, мувофиқи дурнамо бояд 6731 тонна пахта истеҳсол карда шавад, ки он аз ҳар як гектар 21,3 сентнериро ташкил медиҳад.
Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аснои шиносоӣ бо фаъолияти заҳматкашон бо чидани аввалин кӯрак аз ниҳолони пурбори хоҷагӣ, ба маъракаи чиниши пахта оғоз бахшид ва барои пурраю беталаф ҷамъоварӣ кардани он, дуои хайр дод.
Сарвари давлат дар ҳамин ҷо ҳамзамон аз намоишгоҳи маҳсулоти кишоварзии заҳматкашони хоҷагӣ дидан кард.
Маҷлиси Ҳукумати Ҷумҳурии Тоҷикистон баргузор шуд
Сарвари давлат Эмомалӣ Раҳмон Фиристодаи Махсуси Президенти ИМА дар Осиёи Ҷанубӣ ва Марказӣ Серҷио Горро ба ҳузур пазируфтанд
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон агрегати №7-и Неругоҳи барқи обии «Норак»-ро баъд аз таъмиру навсозӣ ба истифода доданд
