Рушди истеҳсолоти миллӣ — имконияти нави сармоягузорӣ ба Тоҷикистон
Душанбе, 14.09.2016. /АМИТ «Ховар»/. Бахшида ба 25-умин солгарди Истиқлолияти давлатии Ҷумҳурии Тоҷикистон ва дар доираи таҷлили дуюмин солгарди «Рӯзи соҳибкорон» 14 октябри соли равон Форуми байналмилалии соҳибкории Душанбе-2016 таҳти унвони «Рушди истеҳсолоти миллӣ — имконияти нави сармоягузорӣ ба Тоҷикистон» баргузор мегардад.
Дар Форум аъзои Ҳукумати Ҷумҳурии Тоҷикистон ва меҳмонони баландпояи ҳукуматҳои кишварҳои ҳамшарик, коршиносон, роҳбарон, намояндагони созмонҳои байналмилалии молиявӣ, ширкатҳои бонуфузи ҷаҳонӣ ва минтақавии бахши соҳибкорию сармоягузорӣ иштирок намуда, дар шаш бахши пленарии он вобаста ба соҳаҳои афзалиятноки рушди истеҳсолоти ватанӣ, саноати сабук ва бофандагӣ, маъдан ва масолеҳи сохтмон, кишоварзӣ ва хӯрокворӣ, сайёҳӣ, ҷалби технологияи муосир, коркарди маҳсулот ва вусъат додани занҷираи арзиши иловашуда, воридот ва содирот, ташкили кластерҳои саноатӣ, рушди истеҳсолот ва содироти маҳсулоти тайёр, дастрасӣ ба захираҳои молиявӣ барои истеҳсолот ва дигар мавзӯъҳо муаррифиномаҳо пешниҳод мегарданд ва атрофи масъалаҳои мазкур миёни иштирокчиёни форум мубодилаи афкор сурат хоҳад гирифт.
Дар Форум таваҷҷуҳи асосӣ ва вақти бештар ба мулоқот ва суҳбатҳои мустақими байни сармоягузорону соҳибкорон дода шуда, мулоқотҳои дуҷонибаи соҳибкорону сармоягузорон дар формати В2В (Business-to-Business (B2B) ва вазорату идораҳо бо соҳибкорону сармоягузорон (Business-to-Government (B2G) ташкил карда мешаванд, ки ин барои роҳандозӣ ва барқарор кардани робитаҳои тиҷоратӣ миёни онҳо имконияти васеъ медиҳад.
Дар Хуҷанд Намоишгоҳи байналмилалии савдо «Суғд-2025» доир мегардад
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
