8 октябр- Рӯзи кишоварзон

Октябрь 8, 2016 08:24

Душанбе, 8.10.2016 /АМИТ «Ховар»/. Рушди соҳаи кишоварзӣ яке аз ҳадафҳои стратегии Ҳукумати Ҷумҳурии Тоҷикистон ба ҳисоб рафта, аҳолии мамлакатро бо озуқаворӣ, саноатро бо ашёи хом таъмин менамояд. Аз ин рӯ ҳамаи инро ба назар гирифта, Ҳукумати кишвар 5 августи соли 2009-ум 8 октябрро дар Тоҷикистон Рӯзи кишоварзон ё «Меҳргон» эълон намуд.
Ёқубҷон Уроқов, сармутахассиси шуъбаи матбуоти Вазорати кишоварзии кишвар иброз дошт, ки тайи солҳои охир дар соҳаи кишоварзии Тоҷикистон ислоҳоти ҷиддӣ амалӣ гардид, ки мақсади асосии он рушди соҳаҳои гуногун, таъсиси ҷойҳои корӣ, баланд бардоштани рақобатпазирии маҳсулоти кишоварзӣ, ба содирот нигаронидани он ва дар ин замина, таъмини амнияти озуқаворӣ маҳсуб мешавад.
Ҳамчунин директори Институти чорводории Академияи илмҳои кишоварзии Тоҷикистон Файзулло Амиршоев баён намуд, ки имрӯзҳо бо ташаббуси Асогузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи кишоварзӣ ба куллӣ тағир ёфта, дар зарфи 25 соли соҳибистиқлолӣ ба як зумра дастовардҳои назаррас ноил гардид.
«Доир ба рушди бахшҳои соҳаи кишоварзӣ олимони тоҷик фаъолият намуда, танҳо дар соҳаи зироаткорӣ 152 навъи зироати кишоварзиро офариданд, ки он ба комиссияи давлатии озмоиши навъҳои зироати Вазорати кишоварзӣ пешниҳод гардида, дар натиҷа 84 навъи зироат минтақабоб гардонида шуд»,- гуфт Файзулло Амиршоев ва ҳамзамон афзуд, ки дар соҳаи боғу токпарварӣ, сабзавоткорӣ ва картошкапарварӣ олимони Академияи илмҳои кишоварзии Тоҷикистон ҳиссаи арзандаи худро гузошта, 24 навъи серҳосилро офариданд, ки 10 навъи он минтақабоб гардидааст.
Дар соҳаи хокшиносӣ роҳу усулҳои самараноки баланд бардоштани ҳосилхезии заминҳо, технологияи пешгирии шӯршавии заминҳо ба роҳ монда шудаанд.
Ба гуфтаи Файзулло Амиршоев, дар бахши чорводорӣ натиҷаҳои назаррас ба даст омада, хусусан олимон дар самти офариниши зоти бузҳои серпашми тоҷикӣ ва такмилдиҳии хусусиятҳои ирсии маҳсулнокии зотҳои гову гӯсфандон, қутосҳои помирӣ ва парандаҳо ба дастовардҳо ноил гардиданд.
Дар давраи соҳибистиқлолӣ олимони Академия навъи чорвои ширии зоти сиёҳало ва зоти бузи тоҷикии серпашмро тасдиқ намуданд ва тасмим гирифта шудааст, ки дар соҳаи гӯсфандпарварӣ чорвои маҳинпашми дарвозӣ, навъи гӯсфанди регарию зоти ҳисорӣ, дар занбӯри асалпарварӣ зоти тоҷикии занбӯри асал, дар қутоспарварӣ навъи қутоси зарафшонӣ ва дар чорвои гӯштӣ навъи чорвои гӯштие, ки дар ҷумҳурӣ парваришёбанда аст, ба мисли чорвои қазоқӣ ва сарсафед дар панҷсолаи оянда барои тасдиқ пешниҳод карда мешавад.
Дар давраи 25 соли Истиқлолияти давлатӣ аз тарафи Академияи илмҳои кишоварзӣ 189 патент ва 431 шаҳодатномаи муаллифӣ пешниҳод ва тасдиқ шудааст.

Октябрь 8, 2016 08:24

Хабарҳои дигари ин бахш

Пагоҳ Вазорати маориф ва илм, Маркази миллии қонунгузорӣ, Кумитаи рушди маҳал, Донишгоҳи славянии Русия ва Тоҷикистон ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор менамоянд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд